Charter Document - 05180146
| Charter Number: | 05180146 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 |
| Date type: | Internal, Episcopal, Feast |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Alex divina miseratione Coventren ecclesie minister humilis eternam in Domino salutem Religiosorum indempnitatibus providere et eorum paterna sollicitudine studere provectibus pastoris nos compellit officium et caritas postulat ordinata Eapropter dilectorum in Cristo filiorum prioris et canonicorum de Repindon iustis postulationibus annuentes ecclesiam sancti Wistani de Repindon ipsis a prima fundatione domus sue a fundatoribus suis concessam una cum eiusdem ecclesie capellis quas propriis duximus exprimendas vocabulis videlicet de Neuton de Breceby de Melton de Fornemerc de Engleby de Tikenhale de Smitesby de Meysam cum omnibus etiam tam dicte ecclesie quam earundem capellarum pertinentiis in usus proprios possidendam ipsis auctoritate pontificali concedimus et confirmamus Ecclesiam etiam Beate Marie de Wilinton ipsis a bone memorie W predecessore nostro concessam et confirmatam in usus proprios possidendam auctoritate episcopali eis confirmamus salvis nobis et successoribus nostris in memoratis ecclesiis iure pontificali et parrochiali Quod ne futuris temporibus evocari possit in irritum presens scriptum sigilli nostri munimine duximus roborandum Hiis testibus domino Ricardo de Stavenesby fratre nostro magistro Ricardo de Glovernia officiali nostro magistris W de Wygornia Alexandro Blundo Simone Perdriz Philippo clerico et aliis Dat London die sancti Luce ewangeliste pontificatus nostri anno quinto