Charter Document - 05180139
| Charter Number: | 05180139 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1229 |
| Date type: | Internal, A.D., Calendar |
| Resource Link(s): |
|
Charter:
[U]niversis Cristi fidelibus presentes litteras inspecturis Alexander miseratione divina Coventr et Lichefeld episcopus eternam in Domino salutem Noverit universitas vestra nos inspexisse cartam dilecti in Cristo filii Iohannis Extranei filii Iohannis Extranei in qua continetur eundem dedisse et concessisse in puram et perpetuam elemosinam Deo et Beate Marie de Nesseclif et capellano qui ibidem pro tempore ministrabit sive clericis sive laicis ibidem Deo famulantibus locum ubi capella Beate Marie cum domibus et ortis adiacentibus sita est et sexaginta et quatuordecim acras terre utrimque proximo adiacentes scilicet viginti acras proximas versus Nesse ex alia parte quinquaginta quatuor acras proximas versus Hopton cum pastura ad centum oves et decem vaccas et ad unam carucatam boum salvo iure matris ecclesie tam in decimis quam in omnibus aliis ad matricem ecclesiam spectantibus Concessit etiam memoratus Iohannes eidem loco molendinum de Wyvelcote acquaticum et vivarium cum tota secta manerii de Nesse et quedam alia sicut in carta sua super confecta plenius continetur Nos autem memoratum locum et in eo Deo servientes et omnia premissa sicut iuste et canonice sunt adepta et quecumque alia largitione fidelium sicut iuste et canonice fuerint adepta vel collata super protectione Dei et ecclesie et nostra suscepimus et episcopali auctoritate confirmamus salvis nobis et successoribus nostris iure parochiali et pontificali Inibimus etiam sub interminatione anathematis ne quis ausu temerario aliquod interponat inpedimentum quo minus fratres dicti hospitalis premissa pacifice possideant et quiete vel ipsi vel eorum procurator de premissis possit ad utilitatem eorum prout iustum fuerit disponere In cuius rei testimonium presentem paginam sigilli nostri munimine fecimus roborari Acta apud Hagemon anno gratie MCCXXIX xiiii kalendas Iulii