Charter Document - 05180136
| Charter Number: | 05180136 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 - 1230 |
| Date type: | Assigned |
| Resource Link(s): |
|
Charter:
A permissione divina Coventr et Lich ecclesie minister humilis omnibus sancte matris ecclesie filiis tam posteris quam presentibus eternam in Domino salutem Devotioni fidelium assensum prebere et eorum oblationes quas viris regligiosis canonice impenderint confirmare precipue ad episcopalem pertinere dignoscitur solicitudinem Nos igitur dilectorum in Cristo filiorum abbatis et canonicorum de Lilleshull honestatem et religionem attendentes illustrium Angl regum Stephani Henrici Iohannis donationes scilicet ecclesiam sancti Alcmundi de Salop cum omnibus pertinentiis suis in terris ecclesiis et capellis et decimis et libertatibus cum fructibus earundem ecclesiarum inspectis concessionibus et confirmationibus venerabilium predecessorum nostrorum Walteri Ricardi Hugonis episcoporum sicut in eorum cartis super hoc confectis continetur ad usus proprios predictorum canonicorum sub obedientie iugo et regula beati Augustini in bosco de Lilleshull Cristo militantium episcopali auctoritate domino auctore confirmamus Et ut hec nostra confirmatio futuris temporibus rata et inconcussa permaneat eam presentis scripti munimine et sigilli nostri appositione corroboramus Hiis testibus domino W de Mancecestr decano Lich magistro R de Glouc officiali Ricardo de Staneby Roberto capellano canonicis ecclesie Lich Petro suppriore de Repped Willelmo capellano de Notyngham magistro Thoma de Lua et aliis