Charter Document - 05180131
| Charter Number: | 05180131 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1226 - 1227 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presens carta pervenerit Alexander Dei gratia Coventrensis et Lichefeldensis episcopus salutem in salutis auctore Noveritis nos intuitu Dei ad honorem gloriose virginis Marie et beati Cedde confessoris dedisse concessisse et hac carta nostra confirmasse decano et capitulo Lichefeldensis prebendam illam integraliter cum omnibus suis pertinentiis quam Thomas de Beverleg temporibus nostris in ecclesia de Gnowehale tenuit habendam et tenendam ipsi decano et capitulo in usus commune inperpetuum ita quidem quod decedente dicto Thome licitum sit dicto decano et capitulo libere et absolute dictam prebendam hac nostra auctoritate in usus eorum conversam ad manus suas accipere et eiusdem ingredi possessionem sine contradictione Ut autem hec nostra donatio et concessio rata perpetuis temporibus permaneat et inconcussa hanc cartam predicto decano et capitulo et ecclesie Lichefeldensis conficientes eam sigilli nostri munimine roboravimus Hiis testibus Alexandro archidiacono de Salopia domino Ricardo de Staneby magistro Ricardo de Gloucestrie Hugone capellano Petro de Glouc canonico de Repyndon et aliis Datum Cantuarie per manum Ricardi de Staneby vi kalendas Octobris anno Domini millesimo CCXXVI