Charter Document - 05180130
| Charter Number: | 05180130 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Ratification |
| Date: | 1226 |
| Date type: | Assigned |
| Resource Link(s): |
|
Charter:
Viris venerabilibus Dominis et amicis in Cristo karissimis R Dei gratia Sarr archidiacono Cant et magistro T officiali domini Cant A miseratione divina Coventr ecclesie minister humilis salutem in Domino sempiternam Ne sub optentu absentie nostre possint causari tam Coventr quam Lich collegia quod sine nobis qui utrique ecclesie presidemus non possit causa inter eos coram vobis mota super iure eligendi episcopum suum terminari per has litteras nostras patentes vobis duximus significandi quod ratum habemus et gratum quicquid utraque ecclesia super premissa electionis causa coram vobis duxerit facienda Hoc idem partibus significamus Valete