Charter Document - 05180125
| Charter Number: | 05180125 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1224 - 1238 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Alexander miseratione divina Coventr et Lich ecclesiarum minister humilis eternam in Cristo salutem Ad universitatem vestram volumus pervenire quod nobis dilecti in Domino filii abbas et conventus Leyc ordinationem ecclesie de Yolgrave quam quidam predecessorum nostrorum eis concessit in usus proprios possidendam plenarie nostris manibus commisissent Nos in predecessorum nostrorum vestigiis inherentes collationes et confirmationes quas a predecessoribus nostris de predicta ecclesia noscuntur habere nequaquam duximus irritandas immo pietatis et caritatis intuitu potius confirmandas concedentes eisdem ecclesiam memoratam cum capellis decimis et terris et aliis rebus omnibus ad eam de iure spectantibus in usus proprios perpetuo possidendam salva tamen eiusdem ecclesie vicaria competenti quam quidem fecimus sic ordinari de consensu dictorum abbatis et conventus videlicet quod vicarious qui pro tempore fuerit habebit omnes oblationes et proventus alteragii ecclesie de Yolgrave decimis tamen mineralene et agnorum exceptis Habebit etiam idem vicarius omnes decimas garbarum et feni de villa de Gratton et duas partes decimarum garbarum et feni de villa de Smerehul Sustinebit etiam idem vicarius omnia honera dicte ecclesie debita et consueta et associatis sibi sumptibus suis duobus capellanis et uno diacono in predicta ecclesia personaliter ministrabit Ne autem super possessione dicte ecclesie de Yolgrave possit quovismodo dubitatio suspicari sepedictos abbatem et conventus induci fecimus exabundanti per archidiaconum loci in possessionem eiusdem ecclesie corporalem salvo nobis et successoribus iure pontificali et parochiali salva etiam Covent et Lich ecclesiarum auctoritate Et ut nostra confirmatio futuris temporibus perpetuo robur optineat firmitatis eam presentis scripti munimine et sigilli nostri appositione duximus roborandam Hiis testibus domino W Lich ecclesie decano et aliis