Charter Document - 05180112
| Charter Number: | 05180112 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1229 - 1230 |
| Date type: | Internal, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Alexander Dei gratia Covintr et Lich episcopus eternam in Domino salutem Cum dilectus in Cristo filius magister Ricardus de Gloucestr tunc Lich ecclesie cancellarius dedisset et concessisset Stephano de Hambur et heredibus suis vel assignatis quandam escaetam suam totam videlicet terram quam tenuit Odo Calvus de prebenda sua et totam etiam terram quam tenuit Syrich filius Colling de eadem cum libertatibus et asiamentis et aliis earumdem terrarum pertinentiis pro septem solidis annuatim sibi et successoribus suis in eadem prebenda annuatim solvendis preter quos nichil amplius dicta prebenda percipere solebat nos attendentes per hoc nichil ecclesie Lich vel prebende predicte deperire dictam concessionem ratam habentes eam episcopali auctoritate confirmavimus In cuius rei testimonium presens scriptum sigillo nostro signatum eidem Stephano duximus concedendum Hiis testibus domino Ricardo de Stanesby Lich ecclesie thesaurario domino Petro capellano et magistro Alexandro magistro S Perdice Waltero de Hauton senescallo et aliis Dat apud Ekleshal pontificatus nostri anno sexto