Charter Document - 05180107
| Charter Number: | 05180107 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1230 - 1231 |
| Date type: | Internal, A.D. |
| Resource Link(s): |
|
Charter:
Universis Cristi fidelibus has litteras inspecturis Alexander permissione divina Coventrensis et Lichefeldensis ecclesiarum minister humilis eternam in Domino salutem Ad universitatis vestre notitiam volumus pervenire quod nos attendentes honestatem et religionem dilectorum in Cristo filiorum abbatis et conventus de Deulacres de assensione et voluntate dilecti in Cristo filii nobilis viri Ranulph comitis Cestrensis et Lincolniensis ecclesiam de Sandbach cum capellis et earundem pertinentiis pietatis intuitu in proprios usus possidendam concessimus salvo nobis et successoribus nostris iure pontificali et parochiali et salvis Coventrensis et Lichefeldensis ecclesiarum auctoritatibus ita quod in eadem ecclesia competens assignetur vicaria In cuius rei testimonium presentem paginam sigilli nostri munimine duximus roborandam Datum apud Cestrie anno gratie MCCXXX pontificatus nostri anno vii