Charter Document - 05180103
| Charter Number: | 05180103 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1231 - 1238 |
| Date type: | Assigned |
| Resource Link(s): |
|
Charter:
Universis sancte [] Noverit universitas vestra nos considerata religione et hospitalitate dilectorum in Cristo filiorum abbatis et conventus de Derl in ecclesiis a predecessoribus nostris et nobis eisdem divine caritatis intuitu collatis vicarias sic ordinasse ut videlicet in ecclesiis de Bollissovere Scardeclif et Cruch singuli vicarii percipiant omnes obventiones alteragii exceptis principali legato et agnis et lana In ecclesiis vero de Winnefeld et de Pentriz omnes obventiones alteragii percipiant excepto principali legato Pretium vero obventionum in singulis ecclesiis estimavimus ad valentiam sex marcarum argenti ad minus ita quod hostilitate vel terre sterilitate vel aliquo alio casu superveniente si obventiones ad tantum extendi non valuerint nichilominus prefati abbas et conventus plenam suppletionem sex marcarum vicariis perficient Et sciendum quod prefati abbas et conventus in presentia nostra fideliter promiserunt quod siquis capellanorum suorum in egritudinem inciderit ut in vicaria sua sibi assignata detentus infirmitate personaliter deservire nequiverit ipsi eum quoad vixerit in victu et vestitu sufficienter exibebunt et litteras suas super hoc confectas in thesauraria Lichifeld de consensu nostro deposuerunt Qui quidem omnia onera ecclesias eorum contingentia tam episcopalia quam archidiaconalia sustinebunt In ecclesia vero sancti Petri in Derb vicarius percipiet omnes obventiones alteragii excepta medietate principalis legati reddendo prefatis abbati et conventui quinque marcas argenti ad duos terminos anni videlicet ad Pasca duas marcas et dimidiam et in festo sancti Michaelis duas marcas et dimidiam Abbas vero et conventus omnia predicta onera sustinebunt preter senagium scilicet tres solidos Ut autem hec nostra ordinatio stabilis et inconcussa in posterum permaneat eam presenti scripto []