Charter Document - 05180102
| Charter Number: | 05180102 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Assessment, Ordination |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Uniuersis Christi fidelibus ad quos presentes litere peruenerint W de Draycote perpetuus uicarius ecclesie de Cruch salutem in domino Jesu Christo Noverit universitas vestra quod cum per virorum religiosorum presentationem videlicet dominorum meorum abbatis et conventus de Derleye quandam portionem in dicta ecclesia opti neam nomine vicarie taxatam et ordinatam per bone memorie Alexandrum quondam Coventr et Lich episcopum profiteor et protestor me beneficio meo perpetuo fore contentum et competenti michi prospectu de dicta portione cum adiectione provisionis determinate in dicta vicarie taxatione si incidero in egritudinem vel langorem et cum decimis maioribus et minoribus provenientibus de terris et tenementis Petri quondam de Wakebrug quas Britius quondam vicarius ecclesie predicte per concessionem dominorum abbatis et conventus percipere consuevit et cum quadraginta solidis annui redditus quos dicti abbas et conventus michi ex gratia speciali meo perpetuo concesserunt Et promitto fideliter in uerbo ueritatis et sacerdocii quod nunquam querelam seu aliquam actionem mouebo uel aliquatenus moueri uel recitari procurabo seu gratis paciar recitari contra dictos dominos meos pro augmentacione uel melioracione dicte uicarie Renuncio insuper spontanea uoluntate omni iure communi et speciali in hac parte introducto uel introducendo et omnibus priuilegiis et indulgenciis a quocumque et sub quacumque forma uerborum impetratis uel impetrandis qui prestite cuiuslibet uel iudicis officio ordinarii seu extraordinarii qui possit aliquo modo ex officio suo procedere ad augmentacionem uel melioracionem dicte uicarie contra uoluntatem dominorum abbatis et conuentus meis temporibus faciendam Ut igitur premissa fide firmiori elucescant presentes literas sigillo meo signatas eisdem dominis meis gratis inde tradidi die ueneris proximo post festum sancti Luce Euangeliste anno gratie millesimo cc septuagesimo octauo in domo de Derleye Huius rei consciis magistro J de Weston tunc domini R Couentrensis et Lich episcopi Officiale domino R de Draycote clerico domino J perpetuo uicario ecclesie de Skardeclif quorum sigilla in testimonium huius rei geste pariter apponi presentibus procuraui Valeat uniuersitas uestra in domino Memorandum quod abbas et conuentus de Derleye habent tale scriptum de me [] In cuius rei testimonium huic memorando abbas sigillum suum apposuit