Charter Document - 05180097
| Charter Number: | 05180097 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1224 - 1238 |
| Date type: | Assigned |
| Resource Link(s): |
|
Charter:
[Omnibus Christi fidelibus] ad quos presens scriptum peruenerit Willelmus Lincoln ecclesie decanus salutem eternam in domino Nouerit vniuersitas vestra nos diuine pietatis intuitu dilecto nobis in Christo Thome Maghot clerico porcionem illam ecclesie de Derele [quam Henricus] capellanus de Derle tenuit quantum ad patronum pertinet contulisse ipsumque ad eandem presentasse venerabili patri nostro Alexandro dei gracia Couentrensi et Lichefeldensi episcopo per quem ipsius porcionis corporalem adeptus est possessionem Salua annua pensione vnius marce nobis et successoribus nostris ad duos anni terminos soluende videlicet ad festum sancti Martini dimidiam marcam ad festum apostolorum Petri et Pauli dimidiam marcam Et in huius rei testimonium sigillum nostrum presenti scripto est appensum Hiis testibus Nicholao tunc cancellario Lincoln ecclesie Willelmo tunc subdecano magistris Stephano de Cicestria Roberto de Brinkel Ricardo Cornubiensi Roberto de Pereton Ricardo de Wisebeceh Thoma de Askeby canonicis Linc ecclesie et aliis