Charter Document - 05180095

Universis sancte matris ecclesie filiis ad quos presens scriptum pervenerit Alexander divina miseratione Coventr et Lich ecclesiarum minister humilis eternam in Domino salutem Noverit universitas vestra quod cum inter nos ex una parte et dilectos in Cristo filios priorem et conventum Coventr ex altera super custodia cuiusdam carte bone memorie Hugoni de Nonant et eius successoribus et ecclesie Coventr ab inclite recordationis Ranulfo comite Cestr secundo cui anulus aureus appensus est concesse questio emersisset tandem amicabiliter sub hac forma dictum negotium conquievit videlicet quod dicti prior et conventus nobis dictam cartam restituerent qua nobis restituta de communi consilio et consensu eandem traderemus abbati et conventui de Cumba in eorum monasterio bona fide custodiendam ita scilicet quod quando nos necesse habuerimus uti ea sine difficultate fraude et dolo nobis retradatur et cum dicti prior et conventus sibi viderint expedire similiter eisdem tradatur sine difficultate fraude et dolo hoc adiecto quod tam nos quam dicti prior et conventus post usus nobis et illis necessarios apud dictos viros in dicto monasterio dictam cartam reponamus possessionibus dictorum prioris et conventus de quibus habetur mentio in dicto instrumento in eodem statu in quo fuerunt tempore confectionis presentium remanentibus ita quod nullo tempore per nos aut successores nostros occasione prefate restitutionis carte nobis facte dictis priori et conventui aliquid iuris possit deperire vel preiudicium in aliquo generari Et in huius compositionis testimonium sigillum nostrum et sigillum dictorum prioris et conventus de Coventr una cum signis dilectorum in Cristo filiorum decani et capituli Lich et prioris et conventus de Kenilworth huic scripto ad modum cirograffi diviso fecimus apponi Act apud Coventr die martis proxima post festum sancti Dionisii anno ab incarnatione Domini millesimo ducentesimo tricesimo octavo