Charter Document - 05180094
| Charter Number: | 05180094 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1236 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis Alexander miseratione divina Coventr et Lich ecclesiarum minister humilis salutem in Domino sempiternam Cum ex officio nostro visitaremus monasterium Coventr comperto quod dilecti in Domino filii monachi Deo servientes ibidem non faciebant professionem secundum consuetudinem monasteriorum aliorum nec recipiebant benedictionem sollempnem nos de consensu prioris et conventus eiusdem loci cupientes eorundem saluti plenius providere sic super hoc decrevimus ordinandum videlicet quod novicii presentes et alii de cetero dictum monasterium ingressuri coram episcopo et priore secundum regulam beati Benedicti sollempnem professionem facient sub hiis verbis suo loco proferendis Ego frater talis proprio nomine expresso promitto stabilitatem loci conversionem morum meorum et obedientiam coram Deo et sanctis eius in monasterio Beate Marie de Covintr secundum regulam beati Benedicti in presentia reverendi in Cristo patris Covintr et Lich episcopi domini talis et talis prioris propriis nominibus exprimendis et postea ab episcopo qui pro tempore fuerit sollempnem recipient benedictionem ita tamen quod occasione professionis coram episcopo facte vel benedictionis optente priori qui pro tempore fuerit non preiudicetur quin in suscipiendis monachis et obedientiariis instituendis et destituendis de consensu et consilio conventus liberam habeat potestatem et salvis in hiis et in aliis eorum privilegiis In monachis autem quos in tempore huius ordinationis ibidem invenimus supplevimus quod credidimus esse supplendum Ut autem hec nostra ordinatio perpetua stabilitate firmetur presens scriptum per modum cyrographi divisum sigillo nostro et sigillis prioris et conventus predictorum fecimus roborari in presentia testium subscriptorum magistrorum Willelmi decani Ricardi thesaurarii Ricardi de Langed Reginaldi de Claidon Alexandri Blundi canonicorum Lich fratrorum Symonis prioris de Spalding David prioris de Kenillewrth et aliorum Act apud Coventr in crastino nativitatis beate virginis anno gratie MCC tricesimo sexto