Charter Document - 05180083
| Charter Number: | 05180083 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1237 - 1238 |
| Date type: | Assigned |
| Resource Link(s): |
British Library - Add MS 89169 (f21v) |
Charter:
Universis sancte matris ecclesie filiis presentes litteras inspecturis Alexander miseratione divina Coventrens et Lichesfeldens ecclesiarum minister humilis eternam in Domino salutem Cum nostris temporibus ad tantam devenerit egestatem subventrix illa domus egentium sancte Marie de Burton quod gravibus debitis onerata fore videretur omnino collapsa nos eidem pio compatientes affectu paterna curantes prout nostrum condecet officium eadem sollicitudine providere ecclesiam de Brommel Abbatis cum pertinentiis que de suo consistit patronatu monachorum eiusdem ecclesie Deo servientium propriis usibus deputavimus perpetuo possidendam et eisdem auctoritate pontificali duximus confirmandam ita tamen quod de bonis eiusdem ecclesie solvant annuatim communitati capituli Lichesfeld decem marcas argenti ad duos terminos videlicet infra octabis sancti Iohannis baptiste quinque marcas et infra octabas sancti Martini quinque marcas salva etiam competenti vicaria per nos in eadem ecclesia taxanda ad quam quidem cum vacaverit nobis et successoribus nostris vicarium idoneum successive presentabunt Iidem etiam monachi omnia onera tam episcopalia quam archidiaconalia perpetuo sustinebunt Hanc autem gratiam eisdem monachis concessimus salvo nobis et successoribus nostris iure pontificali et parochiali salva etiam Coventr et Lichesfeld ecclesiarum auctoritate Ut hec autem nostra concessio et confirmatio futuris temporibus maneat inconcussa nos eam sigilli nostri munimine et presentis scripti patrocinio fecimus communiri Hiis testibus magistro W de Manecestr decano Lichesf magistro W de Eborum precentore Lich magistro R de Glovern thesaurario Lich magistro R archidiacono Stafford magistro R de Langedon domino P de Paris magistro A Blundo magistro W de Wygorn magistro W de Langedon domino G capellano W de Hauton H King et multis aliis