Charter Document - 05180079
| Charter Number: | 05180079 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1229 |
| Date type: | Assigned |
| Resource Link(s): |
|
Charter:
Tali cardinali A Coventr et Lich salutem et debitam ac devotam in omnibus reverentiam Pro dilecto nobis in Cristo Ricardo quondam abbate de Burthon viro utique tam genere quam scientia quam etiam morum honestate preclaro quem de gremio ecclesie sue prius in abbatem Burthon assumptum prior et conventus sancti Edmundi unanimiter sibi in pastorem postulaverunt paternitati vestre preces fundimus affectuosas quatinus ad ipsius confirmationem diligentiam adhibentes nuntiis suis quos propter hoc ad curiam mittit consilium solite benignitatis inpendatis cum enim in diocesi nostra in abbatis officio retroactis temporibus in conversatione sua viguerint honestas et religio speramus et credimus vehementer quod monasterium memoratum si fuerit ei commissum sub ipso tam in spiritualibus quam in temporalibus non modica suscipiet incrementa Valete