Charter Document - 05180078
| Charter Number: | 05180078 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1224 - 1232 |
| Date type: | Assigned |
| Resource Link(s): |
|
Charter:
[O]mnibus Cristi fidelibus Alex permissione divina Coventr et Lich ecclesie minister humilis salutem in eo qui est salus omnium Noveritis nos divine caritatis intuitu priori et canonicis sancti Nicholai de Burscogh ecclesiam de Huyton cum pertinentiis inter Rybbyll et Mercey in usus proprios concessisse et confirmasse ob paupertatem eorum revelandam et religionem sustentandam salvo iure Ricardi filii Roberti quondam persone de Walton rectoris dicte ecclesie de Huyton quoad vixerit et reservatis nobis et successoribus nostris ordinatione vicarie et iure pontificali et parochiali Ut igitur hec nostra donatio perpetue firmitatis robur optineat imperpetuum presentem cartam presentis scripti patrocinio et sigilli nostri munimine roboramus Hiis testibus magistro Ricardo de Glowern tunc officiali magistro Roberto de Sardelowia magistro Ricardo de Staneby magistro Symone de Perdrit domino Edmundo persona de Weston domino Thoma officiali Cestr magistro Alexandro Ricardo de Stand et multis aliis