Charter Document - 05180073
| Charter Number: | 05180073 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1224 - 1228 |
| Date type: | Assigned |
| Resource Link(s): |
|
Charter:
Ad mandatum vestrum inquisitionem super ecclesia de Bubenhull in pleno capitulo de Herberbyri per duodecim sacerdotes inspectis sacrosanctis ewangeliis iuratos fieri fecimus diligentissime quam factam constitit nobis per eorundem assertionem ecclesiam de Bubenhull veraciter vacare et vacasse post obitum Clementis rectoris ecclesie dicte qui circa festum Omnium Sanctorum decessit Item constitit nobis quod prior de Covintr est verus patronus iamdicte ecclesie dimidiam marcam ab eadem ecclesia annuatim suscipiens Item constitit nobis ecclesia de Bubenhull est matrix ecclesia et in nullo umquam subiecta fuit ecclesie de Ruiton tamquam capella De persona presentata capitulum perhibuit testimonia bone opinioni honeste conversationi et competenti litterature quam paterne discretioni vestre abundantiam credit non posse latere Valeat paternitas vestra in Domino