Charter Document - 05180062
| Charter Number: | 05180062 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Willelmus Dei gratia Covent episcopus eternam in Domino salutem Iustis petentium desideriis et virorum precipue religiosorum precibus quorum vita commendabilis conversatio honesta ordinis in se disciplina et eorundam sustentationis insufficientia ad annuendum nos invitant paterna nos convenit pietate condescendere Ea propter paupertati domus Loci Benedicti de Stanl compatientes et eidem incrementum caritatis intuitu conferre volentes ad religionem amplificandam ibidem et elemosinam ipsius domus copiosius exequendam ecclesiam de Rach cum omnibus pertinentiis suis monachis et fratribus in loco benedicto de Stanl Deo servientibus in proprios usus possidendam concessimus et inperpetuum confirmamus Licitum etiam sit eis decedente eiusdem ecclesie persona ipsius ecclesie possessionem ingredi et in proprios usus in posterum illam sibi applicari salva vicaria quinque marcarum cum quatuor bovatis terre arabilis de terra ecclesie in eadem villa et domicilio proprio super terram ad sustentationem vicarii perpetui qui in eadem ecclesia in propria persona honeste deserviet et omnia onera episcopalia et archidiaconalia consueta et debita sustinebit quem quidem abbas et conventus nobis et successoribus nostris ad eandem vicariam successive presentabunt salvo etiam nobis et successoribus nostris iure pontificali et parochiali Ut hec autem nostra concessio et confirmatio rata et inconcussa permaneat eam presentis scripti auctoritate et sigilli nostri munimine roboravimus Hiis testibus Dominis H abbate Cestr R priore de Nortona magistro R de Maidenstan archidiacono Cestr magistro R de Boscho Willelmo de Hathfeld Gervasio de Lond Rogero decano de Wirhale et multis aliis