Charter Document - 05180056
| Charter Number: | 05180056 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus Dei gratia Coventr ecclesie minister humilis eternam in Domino salutem Noverit universitas vestra nos concessisse et hac presenti carta nostra confirmasse terram quandam que dicitur Welkhaie in manerio nostro de Langedon scilicet totam terram illam que est a divisa que est inter nos et priorissam de Fairwelle et usque ad terram que dicitur Rameshurst et ex alia parte usque ad essartum quod Henricus Portarius tenet Roberto Ruffo et heredibus suis pro quinque solidis per annum nobis et successoribus nostris solvendis Et unam virgatam terre in Morchale quam Galfridus bone memorie predecessor noster emit a Galfrido filio Alardi pro tribus marcis et decem denariis reddendo inde nobis et successoribus nostris per annum tres solidos et quatuor denarios Et preterea totam terram illam cum omnibus pertinentiis suis in villa de Morchale quam Rogerus aliquando tenuit reddendo inde nobis et successoribus nostris duos solidos per annum et unum liberum porcum Totam etiam terram de Boleld scilicet terram illam quam Galfridus predecessor noster emit de Iohanne Fuke reddendo inde nobis et successoribus per annum quinque solidos septem denarios et obolum Et preterea donationem quam Nicholaus filius Willelmi de Wal fecit eidem Roberto et heredibus suis de tribus culturis in manerio de Langedon cum omnibus pertinentiis suis et donationem quam Cristiana de Rameshurst fecit eidem Roberto et heredibus suis de terra cum pertinentiis suis quam Robertus de Stanhale quandoque tenuit et de terra illa que fuit vilatoris et de una acra in Glascroft prout in cartis predictorum Nicholai et Cristiane quas inspeximus continetur et etiam sicuti in cartis bone memorie Galfridi predecessoris nostri super concessione supradictorum omnium quas inspeximus continetur Et ut hec nostra concessio et confirmatio rata sit et firma eam presenti scripto et sigilli nostri munimine roboravimus Hiis testibus magistro Iohanne Blundo magistro Nicholao de Weston magistro Zacar Henrico de Sancto Botulfo Willelmo de Hatfeld Radulpho clerico et aliis Dat per manum magistri Roberti de Sandon apud Lich v kalendas Octobris pontificatus nostri anno secundo