Charter Document - 05180053
| Charter Number: | 05180053 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1217 - 1221 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus Dei gratia Coventr episcopus eternam in Domino salutem Noverit universitas vestra nos dedisse Deo et beate Marie et priori et conventui de Ront sexties viginti acras terre vastas et incultas de quibus predecessores nostri episcopi Coventr nichil redditus umquam perceperunt in territorio manerii nostri de Ecclushal in loco qui dicitur Grimescroft et in terris nostris proximo adiacentibus et pasturam ad ducentas oves cum exitibus earundem de duobus annis et pasturam ad viginti vaccas cum exitibus earundem de uno anno extra coopertum forestrie nostre habende et tenende de nobis et successoribus nostris inperpetuum reddendo inde annuatim pro omni servitio et exactione sex solidos et octo denarios scilicet ad festum sancti Michaelis viginti denarios et ad festum sancti Andree viginti denarios et ad festum sancte Marie in Martio viginti denarios et ad festum sancti Iohannis baptiste viginti denarios Et ut hec mea donatio pepetue firmitatis robur obtineat presens scriptum sigilli nostri appositione duximus roborandum Hiis testibus magistro Radulfo de Maydenestan tesaurario Lichesfeld magistro Roberto de Bosco A archidiacono Saloppesburie Willelmo de Hetfeld R camerario Gervasio Londonie et multis aliis