Charter Document - 05180046
| Charter Number: | 05180046 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 - 1218 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Willelmus Dei gratia Coventr ecclesie minister humilis eternam in Domino salutem Noverit universitas vestra nos divine pietatis intuitu et pro salute anime nostre et predecessorum et successorum nostrorum contulisse et auctoritate pontificali confirmasse Deo et ecclesie sancte Marie et sancti Cedde Lichef necnon et eiusdem ecclesie canonicis ecclesiam de Hopa cum capella de Tidewell et omnibus aliis ad eandem ecclesiam pertinentibus eisdem in proprios usus ad conmunem panis et cervisie ad opus eorundem perpetuo possidendam salvo nobis et successoribus nostris iure pontificali et parochiali Ut autem hec nostra collatio et confirmatio in posterum rata et stabilis perseveret eam presenti scripto et sigilli nostri munimine duximus roborandam Hiis testibus magistro Radulpho de Meidestan archidiacono Salop magistro Roberto de Bosco domino Willelmo capellano Willelmo de Hatfeld Radulpho de Pointon clerico et multis aliis