Charter Document - 05180042
| Charter Number: | 05180042 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1216 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus Dei gratia Coventr ecclesie minister humilis eternam in Domino salutem Noverit universitas vestra nos divini amoris intuitu concessisse et hac presenti carta nostra confirmasse ecclesie sancte Marie de Kenill et canonicis ibidem Deo servientibus in usus proprios ad hospitum et pauperum sustentationem ecclesiam de Hampton in Ardena cum capellis suis de Nuthurst et de Baddesleg et cum omnibus ad predictam ecclesiam pertinentibus sicut in cartis venerabilium predecessorum nostrorum scilicet Rogeri bone memorie Coventr episcopi et Ricardi felicis recordationis episcopi eiusdem loci continetur salvo nobis et successoribus nostris iure episcopali et parochiali Et ut hec nostra concessio rata et inconcussa permaneat eam presentis scripti testimonio et sigilli nostri appositione corroboravimus Hiis testibus magistro Iohanne Blundo magistro Nicholao de Weston magistro Willelmo de Manecestr Henrico de Sancto Botulfo Iohanne de Ginges magistro Zachar Willelmo de Hetfeld Radulpho clerico et multis aliis Dat apud Lichefeld per manum magistri Roberti de Sandon sexto kalendas Octobris pontificatus nostri anno secundo