Charter Document - 05180028
| Charter Number: | 05180028 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1217 - 1218 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit W Dei gratia Coventr episcopus eternam in Domino salutem Iustis petentium desideriis et virorum precipue religiosorum quorum vita commendabilis conversatio honesta ordinis observantia et eorundem sustentationis insufficientia ad annuendum nos invitant paterna nos convenit pietate condescendere Eapropter paupertati domus de D compatientes in eiusdem fundationis initio eidem incrementum conferre volentes ad instantiam et petitionem nobilis viri Ran comitis Cestr eiusdem loci fundatoris et libertatum ecclesie nostre defensoris ecclesiam del Leek cum capellis omnibus et universis et singulis rebus ad illam pertinentibus monachis et fratribus ibidem Deo servientibus in proprios usus perpetuo possidendam concessimus et dedimus Nos etiam eos in eandem ecclesiam vacantem canonice instituimus et eos in eiusdem ecclesie corporalem possessionem misimus Volumus igitur et concedimus ut abbas et conventus de De ecclesiam de Leek cum omnibus pertinentiis suis habeant et possideant plene et integre quiete et pacifice inperpetuum reservata in eadem vicaria xx marcarum ad quam vicariam predictus abbas et conventus idoneum vicarium nobis et successoribus nostris presentabunt Ipse autem vicarius predicte ecclesie et eiusdem capellis fideliter et honeste deserviet et omnia honera episcopalia et archidiaconalia debita et consueta sustinebit Nobis in spiritualibus vero in temporalibus respondebit Ut autem hec nostra concessio perpetue firmitatis robur obtineat nos eam presentis scripti testimonio et sigilli nostri appositione confirmavimus Hiis testibus domino Ran comite Cestr Hugone abbate Cestrie T abbate de Cumbren T abbate de Crokesden W abbate de Roucestr magistro Ric de Maidenstan archidiacono