Charter Document - 05180025
| Charter Number: | 05180025 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1215 - 1223 |
| Date type: | Assigned |
| Resource Link(s): |
|
Charter:
Omnibus sancte [] Willelmus miseratione divina Coventr ecclesie minister humilis eternam in Domino salutem Cum honesta religiosorum vota pio sint favore prosequenda nos attendentes dilectorum in Cristo filiorum abbatis et canonicorum Derl honestam conversationem et in hospitalitate sectanda ferventem devotionem divine pietatis intuitu dedimus et concedimus eisdem totam ecclesiam sancti Petri de Derb cum omnibus ad eandem pertinentibus in proprios usus habendam et possidendam ita scilicet quod presentis scripti auctoritate liceat eis ingredi tam in matricem ecclesiam quam in capellas et pacifice possidere cum vacaverint Preterea concessimus et confirmavimus ipsis ecclesias de Pentriz et de Winnefeld cum omnibus pertinentiis suis quarum personatus prius habuerunt ex donatione Hugonis et Galfridi pie recordationis predecessorum nostrorum quibus indulsimus ut etiam in illas presentis scripti freti auctoritate plene ingrediantur sicut eas vacare contingerit et integre et quiete teneant in proprios usus in perpetuum ita tamen quod in eisdem per honestas personas faciant religiose et laudabiliter ministrari salvo nobis et successoribus nostris iure pontificali et parochiali Ut autem hec mea donatio concessio et confirmatio []