Charter Document - 05180021
| Charter Number: | 05180021 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1217 - 1221 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Willelmus miseratione divina Coventr ecclesie humilis minister salutem in Domino Cum universis et maxime subditis nostris sumus debitores constituti illis tamen quos maiori affectione et sinceriori caritate diligimus volumus et de iure tenemur uberiori gratia providere Attendentes igitur honestatem carissimorum in Cristo filiorum prioris et conventus sancte Marie Coventr et eorundem domus paupertatem et destructionem temporibus predecessorum nostrorum factam piis oculis intuentes eorundem inopie et indigentie tanto propensius ac devotius cupimus subvenire quanto eos violentius retroactis temporibus damnum novimus incurrisse Eapropter ad universitatis vestre notitiam volumus pervenire nos sincere pietatis intuitu concessisse et dedisse et hac presenti carta nostra confirmasse predictis priori et conventui ecclesiam de Herdewyke cum capellis omnibus et universis rebus ac libertatibus ad eandem pertinentibus ad pauperum et hospitalitatis sustentationem eisdem perpetuo possidendam ipsosque in corporalem predicte ecclesie possessionem cum omnibus ad eandem pertinentibus canonice et solemniter induxisse reservata in eadem vicaria xv marcarum ad presentationem sepedictorum prioris et conventus per nos et successores nostros canonice assignanda ita quidem quod substitutus vicarius predicte ecclesie et eius capellis fideliter et honeste deserviet et omnia onera episcopalia et archidiaconalia consueta et debita in omnibus sustinebit salvo nichilominus nobis et successoribus nostris iure pontificali et parochiali Ut autem hec nostra concessio donatio et confirmatio futuris temporibus firma et concussa permaneat eam presenti scripto et sigilli nostri munimine duximus roborandam Hiis testibus W abbate de Cumbe H abbate de Derel W priore de Kenilworth Bartholomeo priore de Tuttesbr magistro R de Meidestan thesaurario Lich Willelmo Marmium decano de Tamewerd magistro Roberto Bosco magistro I Blundo Willelmo de Hattefeld Radulpho de Pourton Gervasio de London Hugone de Derbi clericis et multis aliis