Charter Document - 05180020
| Charter Number: | 05180020 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 - 1223 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus Dei gratia Coventrens episcopus salutem in Domino sempiternam Quoniam dilectos in Cristo filios priorem et monachos Coventr monasterii debita in Domino charitate diligimus eorum necessitatibus secundum deum relevandis tanto propensius intendere volumus et debemus quanto eos novimus in quorundam predecessorum nostrorum temporibus maxime in librariorum suorum iactura damnum gravius incurrisse Unde quia monachis ipsis sicut decet meditari desiderantibus in lege domini gravis librorum obstat inopia volentes eorum defectui pia provisione succurrere in hac parte ad instantiam defectuum quos equanimiter sustinere non debemus sincere charitatis intuitu ecclesiam de Allespath cum omnibus suis pertinentiis cantarie Coventr ecclesie et ad librorum eiusdem reparationem in usus proprios concedimus et confirmamus perpetuo possidendam salvo magistro Ade ipsius ecclesie rectori iure suo quod habet in eadem salvo etiam capellano idoneo ibidem residenti sustentatione competenti quamdiu eidem ecclesie fideliter et honeste deserviet salvo nichilominus nobis et successoribus nostris iure pontificali et parochiali Ut autem hec nostra concessio et confirmatio perpetuum firmitatis robur obtineat presentem cartam nostram eis duximus confirmandam His testibus magistro Radulpho de Maydestan archidiacono Cestr magistro Roberto archidiacono Coventr magistro Alexandro Swereford et aliis multis