Charter Document - 05180003
| Charter Number: | 05180003 |
|---|---|
| Cartulary Title: | Coventry and Lichfield 1215-1256 Volume 43 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1215 - 1217 |
| Date type: | Assigned |
| Resource Link(s): |
|
Charter:
Jurata uenit re cognitura de consensu parcium per testes nominatos in carta quam Prior de Neuport Painel profert sub nomine Thome de Erdingtona patris Egidii de Erdingtona de aduocacione ecclesie de Estona et per xij recognitores ad hoc summonitos si predictus Thomas in ligia potestate sua et dum fuit compos sui quietam clamauit Priori et conuentui de Neuport aduocacionem ecclesie de Estona per cartam suam et si idem Thomas cartam suam eis inde fecit de quieta clamancia uel non Juratores dicunt quod predictus Thomas nec in ligia potestate sua nec alio tempore fecit eis cartam illam de quieta clamancia set si facta fuit hoc fuit post mortem suam super hoc cognouit idem Prior quod cartam illam habuit per Siuestrum Episcopum Wigornensem et coexecutores suos Et ideo carta quasi nulla cancellatur et quasi conuincta ad falsam et Prior in misericordia Carta cancellata est Item requisiti quis aduocatus tempore pacis presentauit ultimam personam que mortua est ad eandem ecclesiam dicunt quod predictus Thomas presentauit tempore pacis quendam Henricum de Erdingtona filium suum Willelmo de Cornhulla tunc Episcopo Couentrensi sed episcopus distulit institucionem ipsius Henrici quousque Legatus Nicholaus fecit eum admitti ad suum mandatum et ad presentacionem Thome de Erdingtona quia mandauit ordinario loci quod admitteret clericum illum et bene dicunt quod admissus fuit ad presentacionem predicti Thome Dicunt eciam quod predictus Thomas de Erdintona presentauit tempore guerre quendam Thomam de Shireford qua ad presentacionem suam fuit admissus et ultimo obiit persona in eadem ecclesia et ultimo obiit persona in eadem Et quia predictus Thomas presentauit [] et tempore pacis et tempore guerre Consideratum est quod Egidius recuperauit seisinam suam et Prior [] [et quia utrumque tempus fuit ei pacificum quia ius habuit presentandi]