Charter Document - 05171273

Memorandum quod anno gratie MCCLVI die sabbati proxima post festum sancti B[e]n[e]dicti ita convenit inter dominum H[ugonem] abbatem Rames[eiensem] ex una parte et W[illelmum] de Wenling Will[elmu]m de Thullewik senescallum domini episcopi Elyens[is] et Simone[m] de Waltun ballivum suum de Ely attornatos eiusdem episcopi ex altera quod totus mariscas qui se extendit de Pollyng usque Kekaldre et inde usque Smalaldre et sic usque Echenewerebyth linealiter dividitur in duas medietates equales per Rog[er]um filium Martini Ioh[annem] de Wysebech Rad[ulphu]m Freman et Nich[olau]m de Litleport ex parte dicti domini episcopi electos et iuratos et per Alanu[m] Leaute Will[elmu]m Cut Martinu[m] de Wardeboys et Simone[m] Plumbe de Wardeboys electos et iuratos ex parte domini abbatis predicti ultra quos tam ex parte domini episcopi quam abbatis electos et iuratos erunt magister Ioh[ann]es de Luterewrthe et Nich[olau]s constabularius de Wysebech magister Ioh[ann]es de Lyndeseya et dominus Simon de Copma[n]forde ad modificandam et pacificandum dictos iuratos si contentio inter ipsos aliquo modo oriatur Convenit etiam inter partes prefatas quod nichil falcabitur vel asportabitur nec fodietur ab alterutra parte in aliqua parte predicti marisco quousque dividatur modo prefato et in curia domini regis ratificatur et irrotuletur Nec aliquid iuris vel possessionis ab alterutra parte pretextu dicte divisionis facte vel faciende ante irrotulationem predictam poterit clamari vel vendicari scripto autem apud Crawenest super aliis articulis inter partes confecto in suo robore permanente Ad omnia autem et singula predicta fideliter et sine fraude observanda inventi sunt plegii ex parte episcopi dominus Philippus de Insula dominus Ioh[ann]es de Walepol et Iordanus de Daventre Ex parte autem abbatis domini Willelmo le Moygne S[imon] de Copmanforde et Rob[ertu]s de Stivecle Salvo quod dictus dominus episcopus habeat precipuum et proprium sine divisione quod dictus abbas per sacramentum suum clarum et proprium ipsius episcopi esse recognovit scilicet de Wawefen et mariscum a villa de Benewik usque Weremere versus orientem et polis iuxta Blakemere et Suthmere et duas acras marisco iuxta Weremeremuthe versus austrum iuxta magnam ripam In cuius rei testimonium dictus abbas et plegii sui scripto penes dictum dominum episcopum remanenti sigilla sua apposuerunt et attornati et plegii episcopi scripto penes abbatem remanenti sigilla sua apposuerunt