Charter Document - 05171223
| Charter Number: | 05171223 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1202 |
| Date type: | Internal, Papal |
| Resource Link(s): |
Reference Document for this Embedded Document |
Charter:
Innocentius episcopus servus servorum Dei dilectis filiis priori et fratribus hospitalis Ier[usa]l[e]m in Anglia salutem et apostolicam benedictionem Exigentibus vestre devotionis meritis vestris votis libenter annuimus ut petitiones vestras quantum cum Deo possimus favorabiliter exaudimus Ea propter dilecti in Domino filii vestris supplicationibus inclinati auctoritate vobis presentium indulgemus ut ecclesiam de Stebbyng London dioecesis in qua ius patronatus habetis in usus vestros cum vacaverit convertere libere salvo iure dioecesani episcopi valeatis dummodo ipsius proventus valentiam xxxv marcarum argenti singulis annis non excedant proviso ut eadem ecclesia debitis obsequiis non fraudetur et animarum cura in ipsa nullatenus neglegatur Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem Dei omnipotentis Petri et Pauli apostolorum eius se noviter incursurum Datum Lugdun v idus Marcii pontificatus nostri anno iiii