Charter Document - 05170276
| Charter Number: | 05170276 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Charter |
| Date: | 1256 |
| Date type: | Internal, A.D., Feast |
| Resource Link(s): |
|
Charter:
Universis presentes litteras visuris vel audituris magistri Henr[icus] de Kilkenny rector ecclesie de Belsham et Guydo de Castro Bernardi executores bone memorie Will[elm]i de Kilkenny quondam episcopi Elyens[is] salutem in Domino sempiternam Noverit universitas vestra nos recepisse nomine nostro et coexecutorum nostrorum a venerabili patre Hug[one] Dei gratia episcopo Elyens[i] ad scaccarium Elyen[sem] in festo sancti Andree apostoli anno Domini MCCLVIII centum et decem libras sterlingorum de summa mille septingentarum et sexaginta librarum sterlingorum in qua pecunie summa nobis et coexecutoribus nostris tenetur secundum quod ex testamento inde confecto continetur ita quod ad presens de dicta summa restant solvendas mdcl libras In cuius rei testimonium huic scripto sigilla nostra apposuimus Dat apud Ely in octabis sancti Andree apostoli anno Domini MCC quinquagesimo octavo Valete Universis Cristi fidelibus presentes litteras visuris vel audituris Will[elmu]s de Pouton et Adam de Clerkiston clerici procuratores magistri Henrici de Kilkenni executoris testamenti bone memorie Will[elm]i de Kilkenn quondam episcopi Elyen[sis] salutem in Domino Noveritis nos recepisse et habuisse in prioratu de Bernewell nomine procuratorio dicti magistri anno Domini MCCLXX quinto in vigilia apostolorum Petri et Pauli a religiosis viris priore et capitulo Elyen[sibus] per manus fratris Rob[er]ti de Horford monachi Elyen[sis] procuratoris eorundem quadraginta et quinque libras bonorum et legalium sterlingorum de summa videlicet quater viginti et decem librarum in quibus dicti prior et capitulum dicto magistro Henrico et coexecutoribus suis coram magistro Raymundo de Nogeriis domini pape capellano [] Et ad maiorem fidem presentibus faciendam sigillum religiosi viri prioris de Bernewell presentibus apponi procuramus coram testibus rogatis et ad hoc specialiter vocatis videlicet fratre Ioh[ann]e de Swafham sacrista Elyen[si] Ioh[ann]e de Berton sacrista de Bernewell et fratribus Ioh[ann]e de sancto Eadm[un]do et Ioh[ann]e de Caldecote canonicis loci eiusdem magistro Will[elm]o de Norwyk Henric[o] aurifabro de Ely Pagano de Maleshope Ioh[ann]e coco et aliis