Charter Document - 05170272

Convenit ita inter venerabilem patrem dominum Will[elmu]m Elyens[em] episcopum ex una parte et Hug[onem] abbatem Ram[eseie] ex altera super contentionibus inter eos motis de marisco qui se extendit de Pollinges usque Kechaldre et inde usque Smalaldre et inde usque Echwerebyth linealiter scilicet quod predicti episcopus et abbas concesserunt quod per sacramentum quatuor legalium hominum ex parte ipsius episcopi eligendorum et per sacramentum quatuor legalium ex parte abbatis eligendorum totus predictus mariscas dividatur in duas medietates equales Et cum divisus fuerit predictus mariscas illa tota medietas que iacet versus Benewyk ex una parte de Weremere et similiter versus Echwerebyth ex altera parte maris predicte quiete inperpetuum permaneat predicto episcopo et successoribus suis et ecclesie sue de Ely et alia medietas que iacet versus Rames[eiam] remaneat ipsi abbati et successoribus suis et ecclesie sue de Rames[eia] quiete inperpetuum Ita tamen quod quicquid predictus abbas bona fide dixerit et iuraverit quod clarum fuerit et proprium tempore contentionis mote primum de predicto marisco remaneat ipsi episcopo simul cum polis et piscariis ipsius episcopi absque hoc quod idem abbas vel successores sui aliquid inde habeant Preterea convenit inter partes predictas quod si aliquid fuerit occupatum in marisco de Crowelodemore a tempore contentionis mote super predicto marisco de Pollinges inter prefatas ecclesias Elyens[em] et Rames[iensem] emendetur et in pristinum statum reducatur per senescallos predictorum episcopi et abbatis et per visum et considerationem proborum et legalium hominum et omnes transgressiones occasione predicte contentionis hinc inde perpetratas predicti senescalli similiter corrigant et emendent Ad istas autem conventionem et divisionem faciendas et omnia alia secundum predictam formam adimplendas per communem assensum predictorum episcopi et abbatis statutus est dies apud Benewyk a die nativitatis beati Ioh[ann]is Baptiste in tres septimanas nisi citeriori tempore de consensu utriusque partis dictum negotium competenter secundum quod prenotatum est poterit expediri Et interim neque dictus episcopus neque abbas neque eorum homines in memorato marisco de Pollynges falcabunt nec aliquid inde asportabunt nec manum apponent ad eundem Insuper prefatus episcopus diligentem curam apponet bona fide quod prior et conventus Elyens[is] hanc conventionem confirmabunt Et si proficere non poterit ratificabitur per cyrographum in curia domini regis Et abbas simili modo faciet Item dictus episcopus vel homines sui aliqui nichil exigere poterunt de cetero in marisco de Wardeboys preterquam communam pasture tantum in pascendo similiter neque dictus abbas nec homines sui aliquid in marisco de Sumeresham nisi communam pasture tantum in pascendo In cuius rei testimonium parti presentis scripti in modum cyrographi confecti penes dominum Elyens[em] residenti dictus abbas signum suum una cum signis domini Ioh[ann]is de Crikhal archidiaconi Bedeford[ensis] et magistri Rog[er]i de Ravelingham archidyaconi Huntingd[oniensis] fecit apponi alteri vero parti penes dictum abbatem residenti dominus Elyens[is] signum suum una cum signis domini Egidii de Archentem et magistri Henr[ici] de Kilkenni fecit apponi Actum vigilia sancte Trinitatis anno gratie MCCLVI