Charter Document - 05170271
| Charter Number: | 05170271 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1256 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo H[enrico] Dei gratia illustri regi Angl[ie] domino Hyb[er]n[ie] duci Norm[annie] Aquit[anie] et comiti Andeg[avie] W[illelmus] miseratione divina Elyen[sis] ecclesie minister humilis salutem et tam devotam quam debitam ut domino cum honore reverentiam Noverit dominatio vestra Will[elmu]m de Assewell capellanum in sententia excommunicationis auctoritate ordinaria in ipsum lata pro manifesta contumacia sua pariter et offensa per quadraginta dies et amplius perdurasse claves ecclesie pertinaciter contempnendo Et cum in hoc casu ad rebellionem talium reprimendam brachium seculare sit invocandum celsitudini vestre supplicamus devotissime quatinus quod vestrum est in hac parte velitis exequi cum favore In cuius rei testimonium has litteras nostras vobis mittimus patentes Valeat excellentia vestra in Domino per tempora longiora Dat Lond xiii kal Februarii anno gratie MCCL quinto