Charter Document - 05170270
| Charter Number: | 05170270 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1255 |
| Date type: | Internal, A.D., Calendar |
| Resource Link(s): |
|
Charter:
Universis presentes litteras inspecturis Will[elmu]s Dei gratia Elyens[is] episcopus salutem in vero salutari Notum sit vobis quod cum iam diu est electione nostra per reverendum patrem B[onifacium] Dei gratia Cantuar[iensem] archiepiscopum totius Anglie primatem confirmata bonorum ecclesie Elyens[is] administrationem consecuti essemus diligenter inspeximus indulgentiam felicis memorie Celestini pape concedentis dilectis filiis priori et conventui dicti loci ut ecclesiam de Meldeburn que est de patronatu ipsorum cum quibusdam aliis ecclesiis in suos usus converterent ad sustentationem fratrum pauperum et hospitum prout in indulgentia plenius continentur eadem Cumque predicta ecclesia de Meldeburn per mortem bone memorie Ricardi presbiteri qui eam tenebat vacaret nos dicte indulgentie prout ad nos pertinebat consensum prebentes dictos priorem et conventum in possessionem dicte ecclesie tunc vacantis mitti fecimus corporalem salva competenti sustentatione vicario in eadem ecclesia pro tempore ministranti Quod factum fuit circa precedens festum nativitatis sancti Ioh[annis] Bapt[ist]e cui facto nos testimonium perhibentes presentibus litteris sigillum quo nunc utimur apponi fecimus Acta apud Waltham anno Domini MCCL quinto pridie idus Novembris