Charter Document - 05170268
| Charter Number: | 05170268 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1254 - 1255 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Will[elmu]s miseratione divina Elyens[is] electus salutem in Domino sempiternam Noveritis nos dedisse [et] concessisse et hac presenti [carta] nostra confirmasse Ric[ard]o de Kylkenni militi nepoti nostro illud mesuagium cum curtilagio circumiacente cum pertinentiis quod Ricardus Cupe quondam tenuit in Northlydierd et quatuor acras terre cum pertinentiis in eadem villa quarum due iacent super Wotlond inter terram Thom[e] de Clynton et terram domine Marg[er]ie de Stinechale [et] abutant se super Ruding et alie due abutant contra M[er]hegg super le Hode inter terram Galfridi de Cave et terram dicte Marg[erie] et advocationem ecclesie eiusdem ville cum omnibus ad ipsam pertinentibus que quidem advocatio remansit predicte Marg[er]ie per finem factam in curia domini regis coram iustic apud Westm[onasterium] inter prefatam Marg[er]iam ex una parte Thom[am] de Cly[n]ton Galfr[idu]m de Cave et Marg[er]iam uxorem eius ex altera habenda et tenenda prefato Ric[ardo] et heredibus suis in legitimo matrimonio ab eo procreandis de nobis et heredibus nostris vel assignatis libere quiete bene et in pace in feodo et hereditate in perpetuum cum omnibus ad predictam mesuagium terram et advocationem pertinentibus sine ullo retinemento reddendo inde annuatim nobis et heredibus nostris unam libram cimini ad Pascha pro omni servitio secta curie consuetudine et exactione Nos vero et heredes nostri vel assignati warantizabimus aquietabimus defendemus prefato Ric[ardo] et heredibus suis de eo procreandis sicut predictum est advocationem predicte ecclesie cum predicto mesuagio et terra predicta et omnibus ad ea pertinentibus per predictum servitium contra omnes gentes in perpetuum Et ut hec nostra donatio concessio et presentis carte nostre confirmatio rata et stabilis in perpetuum permaneat presentem cartam sigilli nostri appositione roboravimus Hiis testibus magistro Henr[ico] de Kylkenni magistro Guidon[e] de Castro B[er]nardi Radulfo de Costeston capellano Sy[m]one de la Morton Symone de Elmeden Thom[a] de Grenvill Radulfo Chanu Petro de Mordon et multis aliis