Charter Document - 05170264
| Charter Number: | 05170264 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1252 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presens scriptum visuris vel audituris Hugo Dei gratia episcopus Elien[sis] salutem in Domino Noveritis quod in presentia nostra constitutus magister Ioh[annes] de Cadamo persona ecclesie de Wysebech dilecto nostro domino Will[elm]o de Norwold presbitero interveniente nostro consensu et approbatione intuitu domini amoris contulit et concessit vicariam predicte ecclesie de Wysebech vacantem cum omnibus pertinentiis suis retentis tum sibi decimis de linis et lana tam pro omnibus capelle de Kylhousdyk et servitio ibidem impendendo concessit eidem decimas omnes molendinorum et totam terram quam ad opus eiusdem capelle emit de priore et conventu de Spineto et aliam terram ad eandem capellam pertinentem item decimam faldagii et piscar[ii] item decimam omnium agnorum casei et butur et ancerum vitulorum porcellorum et omnes oblationes et obventiones totius altaragii item maneria tam vicarie quam capelle prout protenditur manerium vicarie a fossato castelli usque in flumen maris quod tendit versus Elm item concessit eidem salvis decimis duas acras terre cum pertinentiis prope manerium vicarii habendas et tenendas de gratia sua ita quod dictus dominus Will[elmu]s sustinebit ibi onera unius lampadis ardentis ante maius altare ab hora vesperarum usque quo totum servitium tam nocturnum quam diurnum plene perficiatur In cuius rei testimonium de assensu dicti magistri Ioh[ann]is nos presenti scripto sigillum nostrum fecimus apponi Dat apud Donham die exaltationis sancte crucis anno Domini MCCL secundo