Charter Document - 05170255
| Charter Number: | 05170255 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1229 - 1254 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Elien[sis] episcopus salutem in Domino Noverit universitas vestra nos cartas regum et episcoporum Elien[sium] Hervei Nigelli et Eustachii et priorum et conventus Elyens[ium] Thornen[si] ecclesie collatas monachis ibidem Deo servientibus quantum in nobis est in perpetuum confirmasse ut omnibus in eisdem cartis contentis pacifice utantur sicut melius antecessorum nostrorum temporibus uti solebant Confirmamus etiam eis donum quod Walt[er]us filii Walt[er]i dedit prefate ecclesie cum corpore suo scilicet molendinum suum de Lev[er]ington cum septem acris terre eidem molendino adiacentibus et homagium et servitium Walt[er]i de Camera scilicet quinque solidos quos prefatus miles assignavit ad anniversarium suum annuatim faciendum In huius rei testimonium hoc scriptum dictis monachis concessimus sigilli nostri impressione roboratum Hiis testibus magistro Alex[andro] de sancto Eadm[undo] Rob[er]to rectore ecclesie de Fulburne magistro Ioh[ann]e de sancto Ivone Will[elm]o de Foxton Samson[e] de sancto Eadmu[n]do et aliis