Charter Document - 05170252

Universis Cristi fidelibus presens scriptum visuris vel audituris Hugo Dei gratia Elien[sis] ecclesie minister humilis salutem in Domino Noveritis nos ad presentationem dilectorum nobis in Cristo filiorum fratris Rocelini de Fossa magistri militie Templi in Angl[ia] et confratrum suorum dilectum nobis in Cristo filium Rob[er]tum de Swafham capellanum ad vicariam ecclesie de Magna Wilburham vacantem admississe et ipsum salva nobis dicte vicarie taxatione in eadem canonice instituisse et de consensu et expressa voluntate dictorum magistri et fratrum prefatam vicariam sub hac forma taxasse ut salvis dictis magistro et fratribus decimis garbarum ad dictam ecclesiam pertinentiis secundum quod in indulgentia [] pape eisdem concessa de fructibus ecclesiarum suarum in usus suos convertendis plenius continetur imperpetuum ad sustentationem fratrum infirmorum eiusdem ordinis apud Deneyam Dictus vicarius et alii qui pro tempore fuerint eidem successuri in eadem vicaria recipiunt et habeant omnes alios proventus ad eandem ecclesiam quocumque nomine pertinent prefate unius valde bidentium sine numero et manso ad eandem ecclesiam pertinent etiam et habeant quadraginta solidos annuos per manus preceptorum de Wilburham qui pro tempore fuerint ad duos terminos scilicet ad sinodum Elen post festum sancti Luce viginti solidos et ad sinodum post festum sancte Trinitatis viginti solidos Ita etiam ut idem vicarius et alii qui pro tempore fuerint omnia onera debita et consueta ad prefatam ecclesiam spectantia suis sumptibus sustineant Et si forte aliqua processu temporis extraordinaria ut minime consueta emergant prestatio seu collectio facienda dicti magister et fratres et vicarius pro rata portione ipsis contingentia satisfaciant Ut hec nostra institutio taxatio et ordinatio futuris temporibus inviolabilis permaneant nos sigillum nostrum una cum sigillo dictorum magistri et fratrum present scriptur fecimus apponi