Charter Document - 05170246
| Charter Number: | 05170246 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1243 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Hug[o] Dei gratia Elyens[is] episcopus salutem in Domino Noveritis nos concessisse dedisse et hac presenti carta nostra confirmasse priori et sancto Neoto et monachis ibidem Deo servientibus quadraginta perticatas in longitudine de marisco nostro et quadraginta perticatas in latitudine proximas ex parte australi iuxta Muchewere et duas acras turbarie in Ydenemiddel cum suis pertinentiis in puram et perpetuam elemosinam tenendas et habendas dictis priori et monachis de nobis et successoribus nostris et ecclesia nostra Elyens[i] in perpetuum libere plenarie solute et quiete ab omni seculari exactione Et in huius rei testimonium presenti scripto sigillum nostrum fecimus apponi Hiis testibus magistro Ric[ardo] de Kirkeh magistro Henr[ico] de Ho Ioh[ann]e de Shelphord senescallo nostro Steph[ano] de Marisco Rad[ulfo] de Bereford Math[e]o Cristien Thom[a] de Bateford Will[elmo] de Wenlig Nich[olao] constabulario de Wyseh Gilb[er]to foristario ballivo de Dudi[n]gton Will[elmo] pincerna et multis aliis