Charter Document - 05170245
| Charter Number: | 05170245 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1231 |
| Date type: | Internal, A.D., Calendar |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hug[o] Dei gratia Elyen[sis] episcopus salutem in Domino Noveritis quod cum inter Will[elmu]m rectorem ecclesie de Croxton ex una parte et priorem et conventum sancti Neoti ex altera super quibusdam decimis ad domum sancti Neoti spectantibus in parrochia dicta sitis videlicet duarum garbarum de dominico domini Hug[onis] Sine Avaro et domini Werresii de Cadamo causa fuisset cancellario et decano Oxon[iensibus] et decano de Hysteleya a sede apostolica delegata tandem sicut in instrumento inter eos confecto et sigillis iudicum predictorum signato [quas] inspeximus continetur auctoritate ipsorum amicabili compositione interveniente in hunc modum inter partes quo[que] conquievit quod predictus W[illelmus] prefatas decimas a dictis priore et conventu ad annuam et perpetuam firmam recepit pro duabus marcis et dimidia a dicto W[illelmo] et successoribus suis qui pro tempore fuerint domui sancti Neoti et in eadem domo annuatim solvendis scilicet ad festum Omnium Sanctorum unam marcam ad Pasc[ha] una[m] marcam et ad festum beati Ioh[ann]is Baptiste dimidiam marcam Ita quod si aliquando cessaverit in solutione predictarum duarum marcarum et dimidie memoratis terminis rectores ecclesie antedicte per loci diocesanum debent compelli ad predictam solutionem faciendam Nos autem predictam compositionem ratam et firmam habentes eam auctoritate pontificali confirmavimus In cuius rei testimonium presens scriptum fieri fecimus et sigilli nostri impressione muniri Act anno Domini MCCXXXI iii kal Iun