Charter Document - 05170244
| Charter Number: | 05170244 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1229 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hug[o] Dei gratia Elyen[sis] episcopus salutem in Domino Iustis petentium desideriis annuentes ex debito suscepti regiminis ea libenter agimus per que paci et tranquillitati provideatur ipsorum et malignorum possit in posterum cavillationibus obviari Noverit igitur universitas vestra quod cum per inquisitionem de mandato nostro per decanum de Brunne factam nobis constiterit dilectos filios priorem et conventum de sancto Neoth quasdam decimas in villa de Croxton scilicet duas garbas de duobus dominicis que nunc tenet Rad[ulfus] Sanzaver et Guerricus de Cam a longis retro temporibus pacifice possedisse ipsas eis pontificali auctoritate duximus confirmandas Preterea bone memorie Galfr[idi] predecessoris nostri vestigiis inherentes totam decimationem dominiorum de Grantesete que fuerunt Rob[erti] Fafinton in eadem villa tam terrarum quam virgultorum quam Seyerus de Quinceio eisdem concessit et confirmavit postquam prefata terra ad eius devenit dominium sicut in litteris eiusdem predecessoris nostri plenius inspeximus continenti eisdem similiter confirmavimus et presentis scripti patrocinio curavimus communire In cuius rei testimonium huic scripto sigillum nostrum apponi fecimus Hiis testibus magistro Ioh[ann]e de Cadamo magistro Edmundo de Massingh magistro Alex[andro] de sancto Edm[un]do Rob[erto] de Becl s Thom[a] de Stagno Nich[olao] de Hopetun Will[elm]o de Foxtun Sa[m]sone de sancto Edmundo et aliis Act anno Domini MCCXXIX xi kal Marcii