Charter Document - 05170240

Omnibus Cristi fidelibus presens scriptum visuris vel audituris Hug[o] Dei gratia Elyen[sis] episcopus salutem in Domino Noveritis nos tam ex inspectione carte bone memorie Eustach[ii] predecessoris nostri quam ex relatione plurium didicisse quod cum Ric[ardu]s filius Walteri venator noster teneret ex dono dicti Eustach[ii] in villa de Sum[er]esh[am] unam virgatam terre et xx acras et in villa de Bluntesh[am] xlacras tandem ad instantiam predicti episcopi predictas xl acras resignavit quas monachis Elyen[sis] postea episcopus contulit supradictus In cuius terre excambium de voluntate predictorum monachorum dictus episcopus eidem Ric[ard]o l et ix acras contulit in villa de Sum[er]esh[am] iacentes inter Astighel et Hertheyhamme quam terram idem Ric[ardu]s tenuit pacifice et quiete temporibus predecessorum nostrorum Eustach[ii] Ioh[annis] Galfr[idi] postea vero dictus Galfr[idus] predicti Ric[ardi] fidelitate et devotione considerata quam ad episcopos Elyen[ses] habebat contulit ei quandam peciam terre iacentem inter magnam stratam de Huntedon et terram suam predictam et abuttantem super boscum de Sum[er]esh[am] Que omnia cum pertinentiis suis sibi et heredibus suis a nobis petiit confirmari nos igitur devotionem eius et fidelitatem pariter attendentes totam terram predictam quam in villa de Sum[er]esh[am] ex donatione dictorum episcoporum tenebat sive ibi habeatur plus sive minus cum omnibus pertinentiis suis deliberatione habita cum consilio nostro eidem Ric[ardo] confirmavimus tenendam et habendam ipsi Ric[ardo] et heredibus suis libere et quiete in feodo et hereditate in perpetuum Et pro hac confirmatione augmentavit predictus Ric[ardus] redditum suum in quinque solidos ita quod ubi solvere consuevit decem solidos solvent ipse et heredes sui nobis et successoribus nostris per annum quindecim solidos ad iiii terminos scaccarii nostri scilicet ad quemlibet terminum tres solidos et novem denarios pro omni servitio consuetudine et exactione salvis sacriste Elyen[si] sex denariis quos ei singulis annis nomine predicte terre dictus Ric[ardus] et heredes sui solvere tenentur ad Pascha et salvo nobis generali auxilio quando ponetur per episcopatum nostrum de precepto domini regis In huius rei testimonium hanc cartam nostram cyrographatam eidem Ric[ardo] fieri fecimus et sigilli nostri impressione roboravi Hiis testibus magistro Ioh[anne] de Cadomo officiali nostro domino Will[elm]o de Fraunchevill sen[escallo] nostro Math[e]o Cristien magistro Eadm[undo] de Massingh[am] Th[oma] de Stagno Rob[erto] de Beccl domino Walt[er]o de Ely Rad[ulfo] de Bereford Henr[ico] de Coln Rob[erto] vicario de Sum[er]esh Rog[ero] de Hemmi[n]gestun Nich[olao] de Hopet Ioh[ann]e de Pikeh Thom[a] de Batesford clerico et aliis