Charter Document - 05170235
| Charter Number: | 05170235 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1253 |
| Date type: | Internal, A.D., Calendar |
| Resource Link(s): |
Cambridge University Library - Peterborough Cathedral, MS 1 (f110v,p250) |
Charter:
Universis Cristi fidelibus presentes literas inspecturis Hugo miseratione divina Eliensis episcopus salutem in Domino sempiternam De Dei omnipotentis misericordia [et] gloriose genetricis eius Marie sancti Osuualdi regis et martiris omniumque sanctorum meritis confidentes omnibus parochianis nostris et aliis quorum dioecesa[ni] id ratum habuerint qui brachium sancti Oswaldi et alias reliquias apud Burgu[m] sancti Petri devotionis causa pie [v]isitaverint vel aliquid de eo ibidem optulerint de peccatis suis vere contritis et confessis triginta dies de iniuncta sibi penitentia misericorditer relaxamus concedentes hanc nostre relaxationis gratiam perpetuo duraturam In cuius rei testimonium presentibus litteris sigillum nostrum apposuimus Datum apud Ely undecimo kalendas Septembris anno gratie millesimo ducentesimo quinquagesimo tercio