Charter Document - 05170234
| Charter Number: | 05170234 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1235 |
| Date type: | Internal, A.D. |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Elyen[sis] episcopus salutem in Domino Noveritis nos divine caritatis intuitu ad presentationem prioris et conventus de Bernewell contulisse et hac presenti carta nostra confirmasse Petro de Bodekesham capellano vicariam ecclesie sancti Botulfi de Cantebr ita taxatam videlicet ut idem Petrus habeat predictam ecclesiam cum omnibus decimis et obventionibus ad ipsam spectantibus reddendo inde per annum predictis priori et conventui quatuor marcas argenti ad duos terminos scilicet ad Pasch[a] duas marcas et ad festum sancte Margar[ete] duas marcas Ipse vero Petrus omnia onera episcopalia tam in synodalibus quam omnibus aliis consuetudinibus ad episcopum archidiaconum et eorum officiales pertinentibus et in libris et vestimentis sustinebit In huius rei testimonium presens scriptum sigilli nostri impressione fecimus roborari Act anno Domini MCCXXXV mense Septembr