Charter Document - 05170218
| Charter Number: | 05170218 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1248 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino H[enrico] Dei gratia illustri regi Angl[ie] domino Hyb[er]n[ie] duci Norm[annie] Aquit[anie] et comiti And[egavie] H[ugo] eiusdem permissione Elyen[sis] ecclesie minister humilis salutem et tam devotam quam debitam ut domino cum honore reverentiam Noverit dominatio vestra quod Ioh[anne]s de Cotenham in sententia excommunicacionis auctoritate ordinaria in ipsum lata per quadraginta dies et amplius perduravit claves ecclesie pertinaciter contempnendo Et cum in tali casu nichil supersit ecclesie nisi quod invocet brachium seculare ad pertinatiam talium reprimendam vobis humiliter supplicamus et devote quatinus quod vestrum est in hac parte velitis exequi cum favore Valeat excellentia vestra in Domino per tempora longa Dat apud Ditton v id Februarii anno gratie MCCXL octavo