Charter Document - 05170206

Omnibus Cristi fidelibus presens scriptum visuris vel audituris Hugo Dei gratia Elyens[is] episcopus salutem in Domino sempiternam Quoniam in multis Dei auxilio accrevimus episcopatum nostrum tam in redditibus et terris quam emendatione domorum et rerum aliarum et etiam in emptione maneriorum de Bramford et de Tateringe que emimus Statuimus et hac presenti carta nostra confirmavimus pro nobis et successoribus nostris de voluntate et assensu capituli nostri Elyens[is] ut de maneriis de Bromford et Tatering que emimus recipiat sacrista Elyens[is] qui pro tempore fuerit singulis annis viginti marcas in duobus scaccariis Elyens[ibus] scilicet in scaccario Annunciationis decem marcas et in scaccario sancti Mich[ael]is decem marcas ad sustentationem quatuor capellanorum qui perpetuo celebrabunt in ecclesia de Ely pro anima nostra et anima regis Henrici filii regis Ioh[ann]is et Alianore regine sue et liberorum suorum et animabus omnium episcoporum et monachorum Elyens[ium] et benefactorum nostrorum Et dicta maneria de Bromford et de Tatering cum omnibus edificiis et pertinentiis suis remanebunt in manibus successorum nostrorum ita quod nullus eorum ea possit aliquatenus alienare Et in huius rei testimonium huic scripto sigillum capituli nostri una cum sigillo nostro procuravimus apponi Hiis testibus Walt[er]o priore Elyen[si] Martino subpriore Ric[ard]o sacrista Will[elm]o de Dunelm[o] Rob[er]to de Lev[er]ington Ioh[ann]e de Swafham tunc capellano nostro et Rob[er]to de Ely monachis et magistro Rob[er]to archidiacono nostro magistro Henr[ico] de Ho Rob[er]to de Insula Egidio de Argentem Philippo de Insula Walt[er]o de Ely militibus Will[elm]o de Wenling Rog[er]o de Abiton Ioh[ann]e de Norwic[o] clericis et aliis