Charter Document - 05170203
| Charter Number: | 05170203 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1251 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Elyens[is] episcopus salutem in Domino Noveritis quod concessimus et per hanc cartam nostram confirmavimus priori et monachis de Ely quod liceat eis libere et sine contradictione distringere Henricu[m] de Coln et heredes suos per terras et tenementa que idem Henr[icus] tenet de feodo nostro in Coln et Bluntesham in perpetuum si aliquo terminorum contentorum in scripto inter eos confecto defecerint ille vel heredes sui in solutione sex treyarum frumenti et duodecim treyarum avene et duarum treyarum ordei per annum salvis nobis et successoribus nostris integro dominio nostro releviis et omnibus aliis servitiis de predictis terris nobis debitis In cuius rei testimonium presenti scripto sigillum nostrum fecimus apponi Hiis testibus dominis Philippo de Insula Walt[er]o de Ely Rad[ulf]o de Bereford Math[e]o Cristien domino Ieremia de Caxtun Philippo de Pavely Ioh[ann]e de Sandeye Salomone aurifabro Will[elm]o filio Elye Nich[ola]o clerico Will[elm]o hostiario et aliis