Charter Document - 05170200
| Charter Number: | 05170200 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1233 - 1249 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presentes litteras inspecturis Hugo Dei gratia Elyens[is] episcopus salutem in Domino Cum quicquid sancte religioni per sanctos antistites divino intuitu fuerit impensum id a successoribus oporteat observari ne vel funditus evellatur vel prava interpretatione minuatur Nos intendentes religionem augere et hospitalitatem augmentare predecessorum nostrorum vestigiis inherentes cum invenimus in scriptis eorundem predecessorum nostrorum ecclesiam de Sutton dilectis in Cristo filiis nostris monachis sancte Etheldrede in proprios usus fuisse concessam necnon et per sedem apostolicam concessionem a predictis predecessoribus nostris eis factam canonice confirmatam predictam ecclesiam de Sutton cum omnibus pertinentiis suis ad ius et proprietatem ecclesie sancte Etheldrede concedimus causa hospitalitatis sectande et augmentande salva competenti vicaria in eadem ecclesia facienda Hiis testibus magistro Rob[ert]o de Leycestr archidiacono nostro et magistris Henrico de Ho Garnerio Ioh[ann]e de Luttewrth et multis aliis