Charter Document - 05170196

Universis sancte matris ecclesie filiis presentibus et futuris Hugo Dei gratia Elyens[is] episcopus salutem in Domino Noverit universitas vestra nos concessisse dedisse et presenti carta nostra confirmasse dilectis filiis nostris in Cristo monachis de Ely totam illam terram cum pertinentiis apud Berkinges iacentem infra ambitum unum que scilicet terra nominatur Northey in hunc modum ordinando videlicet ut pitantiarius dictorum monachorum prenominatam terram teneat ex ea singulis annis sexaginta solidos solvendo Ita ut quadraginta solidi dictorum sexaginta cedant fideliter in unam pitantiam monachorum predictorum et viginti solidi residui simul cum una marca annuatim percipienda de domino Steph[an]o de Segrave et heredibus suis de trecentis acris terre de nova purprestura de Wysebech et insuper cum dimidia marca quam Deo dante alicubi providebimus per manum elemosinarii in usus pauperum die anniversarii nostri fideliter et sine diminutione committantur Ita videlicet ut quadraginta solidi ad sustentationem nostri anniversarii annuatim tenendi cedant et quadraginta solidi in usus pauperum Preterea eidem pitantiario concessimus et dedimus herbagium ad quatuor boves et tot stottos inter pecora nostra in pasturis nostris in predicta villa de Berking sustentandos et preter hec eidem concessimus communam totius ville de Berking scilicet in pascuis communibus exitibus et asiamentis ad terram pertinentibus infra villam et extra Et ut hec nostra donatio concessio et presentis carte nostre confirmatio firma sit et stabilis in testimonium et securitatem presenti scripto sigillum nostrum apposuimus Hiis testibus magistro Ioh[ann]e de Cadamo magistro Edmundo de Massingham magistro Alex[andro] de sancto Edmu[n]do Rob[er]to de Becles clerico Will[elm]o de Franchevill Sampsone clerico de sancto Edmu[n]do Math[e]o Cristiano Thom[a] de Stagno Rob[er]to portario Ioh[ann]e de Horshawe Nich[ola]o clerico et multis aliis