Charter Document - 05170188
| Charter Number: | 05170188 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1249 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus presens scriptum visuris vel audituris Hugo Dei gratia Eliensis episcopus salutem in Domino Religionis favor et equitatis ordo deposcit ut res et possessiones virorum religiosorum nostra studeamus confirmatione munire quorum paci et securitati tenemur pro posse providere Hinc est quod dilectis in Cristo filiis abbati et monachis Colecestr duas partes decimarum de Gameleg sicut eas ex antiqua donatione fidelium Alexandri pape privilegio et diutina possessione canonice sunt adepti intuitu caritatis et favore religionis quiete et libere in perpetuum habendas et possidendas concedimus et confirmamus In cuius rei testimonium presentem cartam sigillo nostro fecimus communiri Dat apud Hadham vi kalendas Februarii anno gratie MCCXL nono