Charter Document - 05170176
| Charter Number: | 05170176 |
|---|---|
| Cartulary Title: | Ely 1198-1256 Volume 42 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1234 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Elyens[is] episcopus salutem in Domino Noveritis nos dedisse in puram et perpetuam elemosinam sancto Edmundo et abbati et monachis ibidem Deo servientibus redditum annuum unius marce quem emimus de Ric[ard]o Rufo in villa de Parva Thrillawe scilicet de Alexandr[o] de Walpol duodecim solidos et octo denarios de quibus solvet in festo sancti Edmundi sex solidos et quatuor denarios et ad Pascha floridum sex solidos et quatuor denarios et de Will[elm]o Britone octo denarios ad eosdem terminos solvendos Ita quod predicti Alex[ander] scilicet et Will[elmu]s homagium faciant abbatibus sancti Edmundi et integre solvant redditum predictum sacriste eiusdem loci qui pro tempore fuerit De quo redditu sic ordinavimus ut decem solidi expendantur annuatim in festo beati virginis Etheldrede videlicet in vigilia beati Ioh[ann]is Baptiste in pitancia monachorum sancti Edmundi per manum pitanciarii eiusdem loci quadraginta vero denarios residuos reservet sibi sacrista in feretrum beati Edmundi convertendos In cuius rei testimonium presens scriptum sigilli nostri impressione roboravimus Hiis testibus domino Henr[ico] priore sancti Edmundi domino Ric[ardo] sacrista sancti Ed[mund]i magistro Ioh[ann]e de Cadomo et aliis